ಕೃತಕ ಬುದ್ಧಿವಂತಿಕಯ ಬಹುಮುಖ್ಯ ಗುರಿಯೇ ಇಂಟಲಿಜೆಂಟ್ ಏಜೆಂಟುಗಳನ್ನು ಸೃಷ್ಠಿಸುವುದು. ಹಾಗಿದ್ದರೆ ಏಜೆಂಟ್ ಎಂದರೆ ಏನು.. ತನ್ನ ಸುತ್ತ ಮುತ್ತಲಿನ ಪರಿಸರವನ್ನು ತನ್ನ ಸೆನ್ಸಾರ್ ಗಳ ಮೂಲಕ ಅರಿತು, ತನ್ನ ಅಕ್ಟುವೇಟರ್ ಗಳ ಅಥವಾ ಅಂಗಗಳ ಮೂಲಕ ಆ ಪರಿಸರದ ಮೇಲೆ ಕ್ರಿಯೆಗಳನ್ನು ಮಾಡುವದು. ಒಂದು ಏಜೆಂಟ್ ನ ಯಾವುದೇ ಕ್ರಿಯೆ ಅದು ಇಲ್ಲಿಯವರೆಗೆ ಮಾಡಿದ ವೀಕ್ಷಣೆಗಳನ್ನು ಅವಲಂಬಿಸಿರುತ್ತದೆಯೇ ಹೊರತು, ಇಲ್ಲಿಯವರೆಗೆ ವೀಕ್ಷಣೆ ಮಾಡದ ಯಾವುದೇ ಲಕ್ಷಣಗಳನ್ನಲ್ಲ. ಗಣಿತದ ರೀತಿಯಲ್ಲಿ ಹೇಳುವದಾದರೆ ಯಾವುದೇ ಏಜೆಂಟ್ ನ ಸ್ವಭಾವವನ್ನು ಅದರ ಏಜೆಂಟ್ ಫಂಕ್ಷನ್ ನಿಂದ ವಿವರಿಸಬಹುದು. ಏಜೆಂಟ್ ಫಂಕ್ಷನ್ ಎನ್ನುವದು ಇಲ್ಲಿಯವರೆಗಿನ ವೀಕ್ಷಣೆಗಳನ್ನು ವಿಶ್ಲೇಷಿಸಿ ಏಜೆಂಟ್ ಮಾಡಬೇಕಾದ ಕ್ರಿಯೆಗಳನ್ನು ನಿರ್ಧರಿಸುತ್ತದೆ.

Vote Result

ಮಾನವ ಉಳಿದ ಜೀವಿಗಳಿಗಿಂತ ಭಿನ್ನ. ಯಾಕೆಂದರೆ ಮಾನವ ತನ್ನನ್ನು ತಾನು ಬುದ್ಧಿ ಹೆಚ್ಚು ಇರವುದಾಗಿ ಭಾವಿಸಿದ್ದಾನೆ. ಹಾಗಿದ್ದರೆ ಈ ಬುದ್ಧಿ ಎಂದರೆ ಏನು? ಹಾಗಿದ್ದರೆ ಬುದ್ಧಿ ಎಂದರೆ ಏನು? ಒಂದು ಕೊಟ್ಟಿರುವ ಪರಿಸ್ಥಿತಿಯಲ್ಲಿ ಹೆಚ್ಚು ಸರಿಯಾದ ನಿರ್ಧಾರವನ್ನು ಕೈಗೊಂಡರೆ ಅದು ಹೆಚ್ಚು ಬುದ್ಧಿವಂತಿಕೆಯ ಲಕ್ಷಣ. ಯಾವುದು ಸರಿಯಾದ ನಿರ್ಧಾರ ಎನ್ನುವದು ಆ ಸಂದರ್ಭದಲ್ಲಿ ಹಾಕಿಕೊಂಡ ಗುರಿಯನ್ನು ಅವಲಂಬಿಸಿರುತ್ತದೆ. ಹಾಗಿದ್ದರೆ ಕೃತಕ ಬುದ್ಧಿವಂತಿಕೆ ಎಂದರೆ ಏನು? ಒಂದು ಯಂತ್ರವು ಹೆಚ್ಚು ಸಮರ್ಧವಾಗಿ ನಿರ್ಧಾರಗಳನ್ನು ಕೈಗೊಂಡರೆ ಅದೊಂದು ಬುದ್ಧಿವಂತ ಎಂದು ಕರೆಯಬಹುದು. ಒಂದು ಯಂತ್ರವನ್ನು ಈ ನಿಟ್ಟಿನಲ್ಲಿ ಸಶಕ್ತವಾಗಿ ಮಾಡುವ ಶಾಸ್ತ್ರವೇ ಕೃತಕ ಬುದ್ಧಿವಂತಿಕೆ. ಈ ಶಾಸ್ತ್ರದ ಇತಿಹಾಸ ಕಳೆದ ೫೦ ವರ್ಷಗಳಿಗಿಂತ ಹಿಂದೆ ಹೋಗುವದಿಲ್ಲ.

Vote Result

ನಾವು ದಿನನಿತ್ಯ ಜೀವನದಲ್ಲೋ, ಅಥವಾ ನಮ್ಮ ವೃತ್ತಿಗನುಗುಣವಾಗಿಯೋ ಹಲವಾರು ರೀತಿಯ ಡಾಟಾಗಳನ್ನು ಸಂಗ್ರಹಿಸಬೇಕು, ಅಲ್ಲದೇ ಅವುಗಳನ್ನು ವ್ಯವಸ್ಥಿತವಾಗಿ ಇಡುವ ಜವಾಬ್ದಾರಿಯೂ ಇರುತ್ತದೆ. ಹೀಗೆ ಸಂಗ್ರಹಿಸಿದ ಮಾಹಿತಿ ಶೀಘ್ರದಲ್ಲಿ ನಮಗೆ ಬೇಕಾದಾಗ ಸಿಗಬೇಕು. ಈ ಕೆಲಸಗಳಿಗೆ ಅನುಕೂಲವಾಗುವಂತೆ ಕಂಪ್ಯೂಟರ್ ನಲ್ಲಿ ಹಲವಾರು ವ್ಯವಸ್ಥೆಗಳಿವೆ. ಅವುಗಳಿಗೆ ಡಾಟಾಬೇಸ್ ಮ್ಯಾನೇಜ್ ಮೆಂಟ್ ಸಿಸ್ಟಮ್ ಎಂದು ಕರೆಯುತ್ತೇವೆ. ಅಂತಹುವಗಳಲ್ಲೊಂದು MySQL.

Vote Result